فرضوا /بقلم عبد المنعم عدلي

فرضوا
عبدالمنعم عدلى..مصر
فرضوا علينا
الحبس فى البيت
قلت خير اللهم
إجعله خير
قالوا كمان
زيادة فى الأمان
سكوا المدارس
وإتعلموا فى البيت
وبلاش تتجمعوا
فى المأتم ولاالأفراح
وصلوا فى البيت
وصحة الأبدان
قبل صحة الأديان
قلت هو يوم
الأخرة جه ولا إيه
قالوا سلاح لعين
لابصاروح ولابارود
سلاح جديد
إسمه كورونا
بيعيش فى الرئه
وبيخرم الجيب
وطلعت فوق
سطح البيت
وناديت بأعلى صوتى
وقلت ياكورونا
جايا للمصر ليه
جايا تزيديه
هم على همه
ردت عليا وقالت
جايا من بعيد
مسيرة شهريين
أتفرج على
الناس الحلويين
وأصيب بسهامى
شرزمة من المغروريين
رديت عليها وقلت
والله ماهى ناقصة
من إيدز الى كورونا
والقلب حزين
كفايا علينا
دود الأرض
وأكفان رايحه
وأكفان جايا
مش بس
شهداء للميدان
وكمان شهداء للكورونا
فيارب العباد
لطفك بالعباد
ياحارس بهيه
إحمى بهيه
وأولاد بهيه
من الوباء
بقلمى عبدالمنعم عدلى