مش ح بدأ /بقلم علي ياقوت

مش حبداء

مش حبداء
انا تانى
يافرحة وجعانى
وارجع اسامح
وعلى قلبى اكون جانى

انا سمحت كتير
وبقلبى عملت كبير
وكنت فى هواكى اسير
وايه اخدت منك
غير وحِدة قتلانى

ظلمت قلبى معاك
سنين عيشته هواك
حرمته وهو عطاك
فى عز حرمانى

كنت عارف من الاول
عذابى حيطول
وقلبى اللى هواك
فى حبك حيعانى

سايق عليك النبى روح
وسيبنى وانا مدبوح
كفاية عليا جروح
ودنيا ظلمانى

ماكنرش حبيتك
وياما اتمنيتك
تكون سكن قلبى
وفى الهوى اكون بيتك
بس انت كتبت نهاية
علشانك وعلشانى
ومش حبداء
انا تانى

على ياقوت
مصر