المشاغبة /بقلم وليد ايوب

المشاغبة
شعر: وليد ايوب
حلوة وقوامك ممشوق
وبتمشي متل الزابط
روقي.. تقولي ما بروق
جواتك في شي خابط
بهديكي ضمة برقوق
تحتجي.. دوبو نابت
بتقولي لي ما في ذوق
حتى نرفز ولابط
وبقولك ما إلي حقوق
اهدي يرحم جدودك
وبعد بيوم يبان الحق
وافرح الله هداك
لكنه عندك يوم النق
هيك حظي معاك
وكل ما كوز بجرة دق
يسود الغيم بسماك
بدي شقو ثوبي شق
ما سمعت غير بكاك
ومع اني عمال اطق
بقولك ما احلى تغريدك
انا وبيّي لمساكين
وخيّتي وامّي من مرة
بنضحك لك متل مجانين
بتكشري وبتقولي حرة
مرتاح وهني مرتاحين
طالما انت برة
ما احلى شعرك على جبين
عيني تسلم هـ الغرة
الله يساعد الله يعين
ويحمينا من بارودك
بقلم: الشاعر وليد ايوب