جرح جفي /بقلم ابتسام عبد الساده

جرح چفي

صح انة اعيش بگلب موجوع
صح عيني بچت انهار الدموع

بس عندي امل ترجعلي والگاك
اشوفك صدگ يال عذبني فرگاك

احس ريحة قميصك عنبر تفوح
تنهض من حلمها تفرفح الروح

جرح چفي ذكرته اليوم والصار
احس وي الحچي گلبي الك طار

واذا مات الجسد تضل سوالفنة
على طول الدهر محفوظة قصتنة

يگولون العشگ بالفرگة ما مات
مات الموت يمنة واحنة اله شمات

ابتسام عبد السادة /امريكا