قالوا ايه /بقلم عبدالمنعم عدلي

قالوا إيه
عبدالمنعم عدلى..مصر
قالوا عنك يامصرى إيه
قالوا راجل صامد
وقت الشدة
كلنا راجل واحد
عيبوك وقالوا عنك إيه
قلت أنا
الشاب المصرى
حافظ عهدى
وبيجرى فى دمى
وإن كانت
فيه شرزمة منى
غدارين وماتربوش
على طبلية أهلى
بيلفوا كثير
ويرجعوا تانى نادمين
ويقولوا ماعرفنا
إننا ملعونين
من الصغير قبل الكبير
قالوا عنك إيه
قالوا الشدة
بيتولد فيها الرجال
حتى لو كانت
السيول على الرمال
أضحى بنفسى
ويعيش الجار
إحنا المصريين
من نيل وطين
نخود المعارك
نتبرع بالدم
ونأوى الفقير
ونحفر فى الطين
ونبنى صروح
تأوى المساكين
وإن كنتم مش عارفين
تعالوا وشوفوا المصريين
وإيه جرى فى
المصارف والطين
وإحنا بنعدى
اللى واقف على الطين
وبنزوج العرايس
أصل إحنا
شعب ملهوش حل
تعال وإتفرج وشوف
قالوا عنك إيه
قلت أنا الجندى
إبن بلدى
واقف فى
عز الحر
وبرد الصقيع
أحمى عرضى وبلدى
قالوا عنك إيه
قالوا إن بلدى
حاميها ربى
وجند بلدى
خير جند على الأرض
قالوا عنك إيه
قلت يكفينى
مدح الرسول الكريم صل الله عليه وسلم
أقول لك كمان
ولاكدا كفاية
أنا المصرى
وفخر بلدى
أنا اليعقوب
أنا الزويل
أنا العقاد وشوقى
أنا طه حسين
أنا الهرم وأبو الهول
أنا الجند
ولاجند إلا أنا
أنا المصرى
وحافظ عهدى
بقلمى عبدالمنعم عدلى